المجلة الثقافية التعليمية الحديثة

كنز من المقالات والملفات التربوية والثقافية

تجربة مفيدة بيع عن طريق الانترنت Online Store

من فتره بسيطة جربت موضوع الOnline Store على الفيس بوك و فعلياً كانت نتائج مذهله
الاشياء الي صارت معنا :
-حددنا رأس مال بسيط 1300 دينار فقط للبضاعه
-500 دينار للاعلانات الممولة
-50 دولار تصاميم للبيج و تصاميم للبرودكت
– 350 دينار تكلفه للموقع الالكتروني
الطريقة الي اشتغلنا فيها :-

– اخترنا من امازون منتج مصنف ضمن اعلى المبيعات
– درسنا المنتج بالسوق اذا كان متوفر او لا لا المنتج يخص السيدات فرجيناه لعدد من البنات و كانو كثير مبسوطات فيه
– دورنا على المصنع الي بعمل المنتج من علي بابا و تواصلنا مع المصنع
– طلبنا البضاعه و وصلت عمان تكلفة القطعه الاولي : 1.80 قرش مجموع القطع : 722 قطعه
اعلانات الفيس بوك : –
– كنا راصدين ميزانية لالها 500 دينار و فعلياً صرفنا 222 دولار لانو البرودكت كان مسوق حالو لحالو
– اول 15 دولار عملناهم كانت تيست و كنا نجرب بواقع كل اعلان 5 دولار
– تغيرت الAudience 4 مرات من وقت ما جبنا البضاعه لحتى خلصت
اهم الاشياء :
– وقفت تكلفة القطعه علينا 2.15 و كان سعر البيع 15 لاول 200 قطعه و بعديها ثبتنا سعر البيع 10 وكان صافي الربح منهم اول 200 قطعه = 1035 بالاضافة انو طلعنا راس مالنا
– كنا حاسبين انو عنا نسبة 3% من البضاعه ما بدنا نحسبها احتمال فيها (مشاكل , سرقة , خربطه , تلف ) يعني تقريبا 22 قطعه
– مشاكل شركة التوصيل حليناها انو تواصلنا مع شركتين و جربنا الثنتين و اعتمدنا وحده وكانت Beex سعرهم غالي بس رائعين بالتعامل و التحصيل منظم عندهم كلا ثلاثاء ايداع بنكي
– كانت التجربه الاولى لالنا بالتجاره الالكترونية لانو احنا بالاصل IT Company & Social Media Marketing Solution
اهم الاخطاء الي صارت عنا و قدرنا نحلها بشكل سريع :-
– ما كنا بالبداية نجرد و ما كنا معطيين الموضوع اهتمام بعد ما طلع رأس المال بعدين جردنا البضاعه كامله و صرنا ندخلهم على نظام محاسبه بسيط البضاعه و المصاريف و الايرادات
– تاخير الرد على العملاء او تاخير ارسال الطلب كانت في فئه معينه من الناس تعتذر و تلغي الطلب حتى لو التاخير يوم
– ما خلينا تركيز الناس على الموقع كنا نستخدمو لغرض عرض البضاعه فقط
نصيحه للكل :
بتقدرو تبلشو برأس مال 5 دولار و هوه اعلان ممول فقط ! وبضاعه برسم البيع من اي محل بس بدك تحسبها و تبلش فيها صح الاعلان الممول مش كبسة زر
ما تخلي اشي يوقفك التجاره الالكترونية فعلياً مجال خرافي و راح ينتشر بشكل اكبر
بلش اليوم ما تستنى لبكرا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

';